ALMENNAR BÆNIR
SIGNINGIN
Í nafni Föðurins og Sonarins og hins Heilaga Anda. Amen.
FAÐIRVORIÐ
Faðir vor, þú sem ert á himnum.
Helgist þitt nafn; komi þitt ríki;
verði þinn vilji, svo á jörðu sem á himni.
Gef oss í dag vort daglegt brauð;
og fyrirgef oss vorar skuldir,
svo sem vér og fyrirgefum vorum skuldunautum;
og eigi leið þú oss í freistni,
heldur frelsa oss frá illu. Amen.
MARÍUBÆN
Heil sért þú María, full náðar.
Drottinn er með þér;
blessuð ert þú meðal kvenna;
og blessaður er ávöxtur lífs þíns, Jesús.
Heilaga María, Guðsmóðir,
bið þú fyrir oss syndugum mönnum,
nú og á dauðastundu vorri. Amen.
LOFGERÐARBÆN
Dýrð sé Föðurnum og Syninum
og hinum Heilaga Anda.
Svo sem var í öndverðu,
er enn og verður ávallt
og um aldir alda. Amen.
POSTULLEG TRÚARJÁTNING
Ég trúi á Guð Föður almáttugan, skapara himins og jarðar.
Og á Jesúm Krist, hans einkason, Drottin vorn; sem getinn er af Heilögum Anda,
fæddur af Maríu mey; leið undir valdi Pontíusar Pílatusar, var krossfestur,
dáinn og grafinn, sté niður til heljar, reis á þriðja degi aftur upp frá dauðum,
sté upp til himna, situr við hægri hönd Guðs Föður almáttugs og mun þaðan koma
að dæma lifendur og dauða. Ég trúi á Heilagan Anda, heilaga kaþólska kirkju, samfélag heilagra, fyrirgefningu syndanna, upprisu holdsins og eilíft líf. Amen.
TIL VERNDARENGILS
Þú verndarengill ástarkær
Á allri lífsleið ver mér nær
Mitt hjarta varðveit hreint í mér
Sem hæstum Guði þekkast er.
Þar til ég mína upp gef önd
Mig ávallt leiddu þér við hönd
uns þú, þar fagnar englaher
í augsýn Föður skilar mér. Amen
BOÐORÐIN TÍU
1. Ég er Drottinn Guð þinn, þú skalt ekki aðra guði hafa.
2. Þú skalt ekki leggja nafn Drottins Guðs þíns við hégóma.
3. Minnstu þess að halda hvíldardaginn heilagan.
4. Heiðra skaltu föður þinn og móður.
5. Þú skalt ekki morð fremja.
6. Þú skalt ekki drýgja hór.
7. Þú skalt ekki stela.
8. Þú skalt ekki bera ljúgvitni gegn náunga þínum.
9. Þú skalt ekki girnast konu náunga þíns.
10. Þú skalt ekki girnast hús náunga þíns,
né neitt sem honum heyrir til.
IÐRUNARBÆN
Guð minn, ég iðrast af hjarta alls þess,
sem ég hef gjört rangt og harma vanrækslu mína að láta svo mörg góðverk ógerð,
því með syndinni hef ég sært þig og brotið gegn þér, sem ert hið æðsta hnoss, og verðugastur þess, að vér elskum þig öllu öðru fremur.
Ég ákveð því fastlega, að með hjálp náðar þinnar, skuli ég gera yfirbót, syndga eigi framar og forðast öll færi til syndar í framtíðinni. Amen.
FYRIR FRAMLIÐNUM
Allar sálir trúaðra framliðinna hvíli í friði sakir miskunnar Guðs. Amen.
AÐ VEKJA VON
Guð minn, ég vonast eftir náðinni og dýrðinni af þér, sakir fyrirheita þinna, mildi þinnar og máttar. Amen.
AÐ VEKJA ÁST
Guð minn, ég elska þig af öllu hjarta, af því að þú ert fjarska góður, og fyrir sakir þín elska ég náunga minn eins og sjálfan mig. Amen.
AÐ VEKJA IÐRUN
Guð minn, það hryggir mig mjög, að ég skuli hafa brotið við þig, því að þú ert fjarska góður, og ég ætla ekki að syndga framar. Amen.
HVERS ÞARF VIÐ TIL ÞESS AÐ MEÐTAKA IÐRUNARSAKRAMENTIÐ SEM VERA BER?
1. rannsökum samvisku okkar;
2. iðrumst synda okkar;
3. einsetjum okkur að bæta ráð okkar;
4. skriftum syndir okkar;
5. játumst fúslega undir skriftir þær, sem presturinn setur okkur.